Üse offnig Brief vom Samstig het zu erste Diskussione, Reaktione u ahgregte Gspräch gfüehrt - genau das, womr hei wöue.

Dr FCB ladet üs Stehplätz Rot Wiss zumne sehr spontane Gspräch ih und wird üs dört aui Frage beantworte womr hei.

Das Gspräch fingt hüt Abe am 19:00 Uhr im Fanshop statt. Jedi u jede wo gärn drbi wott si, isch härzlech ihglade a dem Gspräch teilzneh.

Dr Fanshop befindet sech im Stadion unge bide Ihchoufsläde, dört wo dRolltreppe usem Parking ufe chunt.