Nach dem spiufreie Wucheend bruchemer wieder aui im Stadion, um üse FCB z'ungerstütze. Bringemr üsi Mannschaft mit lutstarcher Ungerstützig wieder zrügg uf d'Siegerstross!

Dä Sunnti nämemr ou no Gägeständ für d'130-Johr-Usstellig entgäge:
- Vo 13:15 - 14:00 Uhr bim Parkplatz Nord
- Vo 14:00 - 14:50 Uhr bim Kurve-Shop im Sektor D

Aui Sache wärde ahgschribe u ner gfötelet, drmitmr ä Inventarliste chöi füehre.

Mir träffe üs auso ab 13:15 Uhr bim Parkplatz Nord u ufem Place Publique u göh ner am 14:00 Uhr is Stadion.

Bis am Sunnti im Stadion!

I knapp drü Wuche isches sowit: Im Blue Note Club ar Thomas-Wyttebach-Strass 2 z'Bieu stigt üsi Party zum 130-jährige Jubiläum vom FCB!

Türöffnig isch am 21:00 Uhr u ner fiiremr mit 90er-Musig, Bravo Hits u chli Techno bis töif id Nacht üse FCB und üs säuber. Zum Start gits es chlises Apéro und no die eint oder anger Persönlechkeit, wo es Wort a üs wird richte. Es lohnt sech auso, scho bi Türöffnig vor Ort z'si.

D'Ihtrittsbändeli choste 18.96.- u si bim Heimspiu gäge Cham u bide Uswärtsspiu in Paradiso und Schaffhuse erhäutlech. Wes no Bändeli het, chame sech ou eis ar Abekasse choufe.

Schribetnech auso dr 6. November ih, holetnech es Bändeli u ner gsehmr üs im Blue Note!